بقلم:حجية حسنة...
دخيلك يا موسى بن جعفر شو جِن السيد مقتدى ما محسب احسابك!!!
هاي الحجِاية كَالته الَي جارتي أم ستارالبارحة العصر.
كَلتها شلون أم ستار؟
كَالت السيد الله يحفظه وينطي العافية يكَول ابعاد محافظة النجف عن التظاهرات، "لقدسية" المحافظة،
ليش بغداد مو مقدسة بنظره وبيه الامامين الكاظمين! وتعج بالسادة والعلماء الاطهار.
وليش كربلاء هم مقدسة والحلة حدث ولا حرج بيها ائمة واولاد الائمة!
وسامرء والامامين العسكريين وبلد سبع الدجيل والسماوه بيها مرقد السيد ابراهيم أحمر العينين وديالى مرقد السيد عبدالله بن الامام علي الهادي
قطعتها بصوت عالي كلتلها أم ستار انت هذا الحجي الي ادكَوليه اني اعرف من اولاد اولادهم .
كَالت خيه عذريني من القهر ترا العراق كل مقدس
جاوبتها بحسره أي والله العراق كل مقدس بس شنسوي للي ما يخاف من الله!
