الناصرية عذابات السنين

مقالات الأحد 19 كانون ثاني 2020 الساعة 12:14 مساءً (عدد المشاهدات 1655)

حسن نصار
ليش الناصرية فگر و ماكو خدمات و شبابها تارسين المساطر؟!
أكللكم ليش...
الموازنة الاستثمارية مال الناصرية ٦٤٠ مليار دينار!
ركزلي عالرقم ٦٤٠ مليار يعني مو أقل من ٢٠٠ مدرسة و مركز علاج سرطان و تأهيل الأهوار بشكم منتجع و فرص عمل بالآلاف للشباب داخل مدينتهم.
ال٦٤٠ مليار صرفوا منهن ٧٪؜ بآخر لحظة بسس و الباقيات رجعن لست طيف بالمالية..
زين تدرون الرمادي نسبة إنجازاتهم ٩٤٪؜!
تدرون كردستان ١٠٠٪؜!!
تدرون الفلوس الراجعة من الناصرية ترجع تتوزع من جديد عالمحافظات ببداية السنة الجديدة!!
الخلل وين؟؟
الخلل بالحكومة المحلية بالناصرية اللي ما عدها أي خطة مدروسة لبناء مدينة متهرئة رغم وجود فلوس كافية و تزيد و الفرق واضح بين الناصرية و الرمادي و كردستان..
بارقة أمل.. خلف الله على شكم شريف لحگ عالفلوس بآخر لحظة و حجزهن للناصرية من جديد على ٢٠٢٠. يا ترى يستخدموهن؟ لو يرجعن من جديد للمالية؟؟
الأمر بيد الله و اصحاب القرار!!
أهل الناصرية اضغطوا على حكومتكم المحلية ترى وعلي سالفتنا تجلط!
اخيرا عرفت من السيد وزير التخطيط الدكتور نوري الدليمي انه تحرك بسرعة وقاتل من اجل تخصيصات مالية يريد للناصرية ان تستفيد منها وهو مخلص في ذلك واتمنى له النجاح.