بغداد / سكاي برس: علقت الفنانة المصرية زينة على تصريح الفنان أحمد عز الذي رفض فيه الاعتراف بابنيها, قائلة: "جاحد شيطان فرخة حتى ماحصلش دجاجة". وقالت زينة عبر صفحتها الشخصية بموقع “إنستجرام”: “الحمد لله، بشكر القضاء المصري العظيم اللي أظهر الحق الحمد لله عاوزة أوضح حاجة علشان الكذب المستمر، الحكم الحمد لله بيعتمد على إثبات الزواج وبناء عليه تم إثبات النسب أنا كنت ملتزمة الصمت واتعرضت للإشاعات الحقيرة وكنت بشوف اللى بيتقال عليا والحقيقة إنى كنت واثقة فى عدل ربنا الحمد لله”.
وأضافت: "الانتصار ده انتصار مش ليا لوحدى ده للستات كلهم القضية دى فى منها كتير بس قضيتى اتحولت لرأى عام علشان أنا مشهورة والطرف التانى برده، نفسى كل ست مظلومة تاخد حقها حتى لو غلطت واتجوزت واحد عديم الضمير والإنسانية وكداب بس كداب حتى فى النفس اللى بيتنفسه، ربنا يكفى كل البنات شر عديمى الرجولة ويكرم كل البنات بناس محترمة تحافظ عليهم وأكيد فى ناس محترمة كتير". ودعت زينه لكل البنات بالستر قائلة: "يارب يستر كل البنات ويحفظهم، ربنا اظهر الحق الحمد لله وأنا عاوزة أعيش وأربى ولادى وأشوف شغلى وأنسى الأيام السودة اللى شفتها من أول الجواز لغاية يوم الحكم، مش عاوزة اسمع اسم أبو أولادى ده تانى ولا حتى حد يغلط فيه علشان مايصحش للأسف علشان ولاده، وربنا كبير ولسه حسابه عند ربنا الله يكون فى عونه بقى ساعة الحساب اللى مافيهاش معجبات”. واختتمت: “فرحت الناس بظهور الحق أكتر حاجة حسستنى إن الناس معايا أو تحديدًا مع الولاد، مين ممكن يعادى أطفال ويظلمهم غير جاحد شيطان فرخة حتى ماحصلش دجاجة".
